Transferencia e Divulgación
Transferencia e Divulgación
O Premio Nobel de Economía, Joseph E. Stiglitz, foi nomeado doutor honoris causa pola Universidad Internacional Menéndez Pelayo (UIMP)
Carlos Gradín, catedrático do departamento de Economía Aplicada da UVigo e integrante da rede EQUALITAS, foi o encargado de realizar a laudatio nun acto que se celebrou no Palacio de la Magdalena, sede da UIMP en Santander.
Actualmente profesor da Universidade de Columbia, Stiglitz é un dos economistas máis lidos e recoñecidos do mundo. As súas contribucións son especialmente relevantes no ámbito da economía pública (en xeral) e da teoría da información asimétrica, en particular, entre outras. Os seus libros máis recentes critican o modelo de globalización imperante, e destacan a orixe e os problemas asociados aos altos niveis de desigualdade existentes e ás limitacións do PIB como indicador do progreso económico e social.
Stiglitz foi presidente do Consello de Asesores Económicos da Administración Clinton e economista xefe do Banco Mundial (entre moitos outros cargos relevantes).
O acto de investidura, ao que asistiu o economista estadounidense, pódese ver na canle de televisión da UIMP.

