Transferencia e Divulgación

Transferencia e Divulgación


Celébrase o XXXI Encontro de Economía Pública na Universidade Pública de Navarra (UPNA)

Olga Alonso Villar, catedrática do Departamento de Economía Aplicada da Universidade de Vigo, e Clemens Fuest, presidente do Instituto IFO (un dos maiores “think-tanks” económicos alemáns) son os dous relatores invitados ao encontro.
A Universidade Pública de Navarra reúne a máis dun centenar de especialistas internacionais para debater sobre a economía pública e a política fiscal. Ademais dos clásicos temas de debate, como a economía da sanidade e a educación, os impostos, o impacto das políticas públicas no mercado laboral e nos niveis de pobreza e desigualdade, ou o tamaño do sector público, este encontro sumará outros que xa forman parte da axenda pública, como as políticas de xénero ou o cambio climático. “Measuring Inequalities: From Income Inequality To Spatial Concentration and Segregation” é o título elixido por Olga Alonso para a súa intervención na conferencia inaugural.