Transferencia e Divulgación

Transferencia e Divulgación


Carlos Gradín (como IP) xunto a Olga Alonso Villar e Coral del Río lideran desde o noso departamento un novo proxecto nacional financiado pola “Agencia Estatal de Investigación”

O obxectivo é desenvolver novas ferramentas e ofrecer evidencia empírica sobre as desigualdades económicas e as dinámicas da clase media a nivel global, e afondar nos efectos da segregación escolar sobre a desigualdade de oportunidades.
O proxecto leva por título, “Desigualdade e políticas públicas: o papel da riqueza, a clase social, o xénero e a redistribución”, e ven de ser aprobado dentro das axudas a “Proyectos de Generación de Conocimiento 2025”. O equipo de investigación inclúe, ademais dos nosos compañeiros, a investigadoras e investigadores da Universidad de Alcalá e da UNED. O proxecto, está coordinado con outros catro proxectos nacionais dirixidos desde a Universidad de La Laguna (coordinadora), Universidad Complutense de Madrid, Universitat de Girona e Universitat Autònoma de Barcelona, e supón a continuación natural doutros proxectos coordinados financiados en convocatorias previas.