Transferencia e Divulgación

Transferencia e Divulgación


A profesora Dolores Garza renova por seis anos o cargo como decana da Facultade de Económicas e Empresariais

Moi satisfeita polos resultados acadados, Garza agradeceu a todas as persoas que participaron nos comicios o apoio recibido.
Directora do grupo de investigación Erenea, Economía dos Recursos Naturais e Ambientais, e integrante do departamento de Economía Aplicada, Dolores Garza Gil renovou o seu cargo como decana da Facultade de Ciencias Económicas e Empresariais da Universidade de Vigo, funcións que xa viña desempeñando desde outubro de 2022. “É algo que, realmente, agradezo moitísimo, é moi satisfactorio e, desde logo, nos dá moito ánimo para continuar a traballar na liña na que xa estabamos”, salientou. Xunto á decana, renovaron o seu cargo a totalidade de seu equipo, un grupo cen por cen feminino, composto por: Ana de Prado, como secretaria; Raisa Pérez Vaz, como vicedecana de Organización Académica; Mª Carmen Otero Neira, como vicedecana de Relacións Internacionais; e as nosas compañeiras, Mª Xosé Vázquez Rodríguez, como vicedecana de Calidade, e Lucy Amigo Dobaño, como vicedecana de Relacións Institucionais. Parabéns a todas!