Licenciado en Ciencias Económicas e Empresariais pola Universidade de Vigo con Premio Extraordinario ao primeiro de promoción. É Doutor en Economía pola Universidade de Vigo e Doutor en Ciencia Política pola Universidade de Santiago de Compostela. Profesor titular de Economía Aplicada na Universidade de Vigo. Foi Visiting Scholar na Washington University in St. Louis no grupo do premio Nobel Douglass North, na University of California in Santa Barbara no grupo do profesor Gary Libecap e na University of California in Berkeley no grupo do premio Nobel Oliver Williamson, entre outras. Realizou máis dun cento de publicacións científicas en libros e revistas especializadas nacionais e internacionais.

Especialista en economía política das institucións, a súa axenda de investigación desenvolve un perfil interdisciplinar en ciencias sociais que combinou aportacións teóricas con outras de análise aplicada, histórica ou empírica. As súas liñas de investigación inclúen a teoría económica das institucións, o novo institucionalismo, as dinámicas do cambio institucional, as institucións políticas e a gobernanza, e a economía dos recursos naturais e pesqueiros, entre outras.

Actualmente encóntrase en situación de servizos especiais no Parlamento de Galicia, onde exerce como voceiro de economía e universidades do grupo parlamentario socialista.