Doctora en Ciencias Económicas e Empresariais pola Universidade de Santiago de Compostela. A súa tese doutoral foi premiada polo Consello Económico e Social de España. No seu traballo de investigación estuda o comportamento financeiro das familias e a formación e instrumentación da política económica. A utilización de novas ferramentas e métodos de aprendizaxe é unha das súas prioridades no ámbito da docencia. Ocupou distintos cargos de xestión na Universidade de Vigo, sendo o máis recente o Vicedecanato de Calidade da FCCEE.