Transferencia e Divulgación

Transferencia e Divulgación


Xulia González publica un novo artigo no que se avalían as consecuencias distributivas das subvencións ao prezo do combustible

O estudo conclúe que as subvencións temporais á gasolina implementadas polo Goberno en 2022, para mitigar os efectos da guerra en Ucraína, non son axeitadas para acadar bos resultados distributivos e ambientais.
A investigación realizada por Xulia González, do Departamento de Economía Aplicada, xunto con María J. Moral, da UNED, cuantifica tanto o impacto fiscal como os efectos sobre as emisións deste tipo de axudas. A distribución desta subvención ao prezo foi regresiva, xa que beneficiou dun xeito desproporcionado aos fogares de maiores ingresos e as comunidades autónomas máis ricas (como Madrid e o País Vasco). As autoras conclúen que estas subvencións uniformes ao combustible son instrumentos de política con limitacións significativas: "Aínda que ofrecen un alivio inmediato no prezo, implican custos fiscais considerables e poden entrar en conflito con obxectivos distributivos e ambientais máis amplos".