Doutora en Análisis Económico pola Universidad de Las Palmas de Gran Canaria. O seu traballo aborda os métodos de valoración económica de beneficios e costes ambientais sendo as súas principais liñas de investigación: a Economía do medio ambiente en xeral e aplicada á relación entre conservación ambiental e desenvolvemento económico, así como a análise de beneficios sociais vencellados a diversas políticas de protección e conservación ambiental. Nestes traballos, en colaboración con investigadores doutras universidades e centros de investigación, fixéronse achegas metodolóxicas e realizáronse estudos empíricos sobre Galicia, España e Europa.

Actualmente forma parte do grupo de investigación ERENEA (Economía dos Recursos Naturais e Ambientais).